EHU-HEIZE elkarlan hitzarmenaren haritik “Ikastetxeen zuzendaritza eta Lidergo Digitala” graduondokoa martxan jarri dugu.
Heizek bere lan ildoen barruan ikastetxeentzako onuragarriak izango diren goi mailako formakuntzak sustatzea du. Hari horretatik tiraka zuen eskura jartzen dugu EHUrekin batera diseinatutako “Ikastetxeen Zuzendaritza eta Lidergo Digitala” graduondokoa.
Europa mailan (Schengen eremuan) aintzatezpena izango duen Unibertsitate Aditu titulu aintzindaria da hauxe, erabat euskaraz garatua eta jorratua izango dena.
Zuen guztion interesekoa izango delakoan, izena ematera animatzen zaituztegu.
Ondoren doakizue informazio xeheagoa duen lotura: Unibertsitate Aditua: Ikastetxeen Zuzendaritza eta Lidergo Digitala
