Aurtengo edizioan aurrez aurreko eredura bueltatzen gara. Gure ikastetxeetako digitalizazio jasangarri eta eraginkorrerako prozesuez gain euskara dimentsio digitalean lantzeko eta normalkuntzan sakontzeko eman ditzakegun urratsak eta eskura ditugun tresnak ezagutzeko aukera izango dugu.
Bertaratzerik ez dutenentzat ERIMA eta ZUBIA-SANTILLANA aretoetako hitzaldiak bideo streaming bidez jarraitzeko aukera egongo da ere.
7. edizioa dugun honetan lau ardatz nagusien inguruan arituko gara:
- Irakaskuntza digitalean pertsonen rol ezberdinak eta haien garrantzia: irakasle, ikasle zein familia.
- Eremu digitalean (ere) ikastetxeetan ditugun desberdintasunen orekatzea.
- Euskararen presentzia sendotu hezkuntza eremu digitalean.
- Iraunkortasuna, garapena, hezkuntza-berrikuntza eta mendekotasun teknologikoaren dimentsio elkarlotuak.
- Publikotasuna, hezkuntza kalitatea, ikerketa eta erabaki hartze eraginkorrak.
7. edizio honetan osatu dugun egitaraua zuen atseginekoa izango delakoan, animatu eta eman izena!
